ميهڙ ويجهوهٿياربندن جي فائرنگ ۾ پوليس اهلڪار شهيد ٿيڻ بعد پوليس پاران مقابلي دوران هڪ جوابدار کي مارڻ جي دعويٰ ڪئي وئي
گذريل رات ڪاسائي محلا ۾ کوسا ۽ ڪمانگر برادرين جي ٻن ڌرين ۾ جهيڙي بعد ون فائيو پوليس جا اهلڪار پهتا ته جوابدارن پوليس تي فائرنگ ڪري ڏني، هٿياربندن جي فائرنگ ۾ 52 سالن جو پوليس اهلڪار ذوالفقار ترڪ شهيد ٿي ويو
پوليس جوابدارن جو پيڇو ڪيو ته ميهڙ ڀٽي روڊ وٽ فائرنگ جي ٻيهر ڏي وٺ دوران پوليس اهلڪار صدام ڪلهوڙو به زخمي ٿي پيو، پوليس موجب جوابدارن سان 4 ڪلاڪن تائين جاري رهندڙ مقابلي دوران هڪ هٿياربند نادر کوسو مارجي ويو، 3 جوابدارن کي گرفتار ڪيو ويو
ٻين جوابدارن جي گرفتاري لاءِ 10 ٿاڻن جي پوليس طلب ڪئي وئي، شهيد ٿيل اهلڪار جي جنازي نماز ۾ ڊي آءِ جي حيدرآباد، ايس ايس پي دادو ۽ ٻين جي شرڪت، شهيد اهلڪار جو مڙهه ميهڙ جي رجب دايو قبرستان ۾ سرڪاري اعزاز سان مٽيءَ ماءُ حوالي، پوليس پاران سلامي پيش ڪئي وئي
