ميرپورماٿيلو (ن پ ا) ميرپورماٿيلو ويجهو قومي شاهراهه تي ٽرڪ ۽ موٽر سائيڪل ۾ ٽڪر، پيءُ ڌيءُ ٿڏي تي فوت، معصوم ٻارڙي معجزاڻي طور محفوظ رهي، خبر موجب قومي شاهراهه تي ٽرڪ ۽ موٽرسائيڪل ۾ ٽڪر ٿي پيو، جنهن جي نتيجي ۾ هڪ سوڍو گهڃو ۽ سندس نوجوان نياڻي حاڪمزادي ٿڏي تي فوت ٿي ويا، جڏهن ته ناري جي هٿن ۾ هڪ ورهين جي معصوم نياڻي معجزاڻي طور محفوظ رهي، حادثي جي ٻنهي فوتين جا لاش اسپتال منتقل ڪيا ويا، جتان ضروري ڪارروائي بعد مڙهه وارثن حوالي ڪيا ويا، پوليس ڪارروائي ڪري ٽرڪ ڊرائيور کي گرفتار ڪري گاڏي تحويل ۾ وٺي ڇڏي آهي.
