ميرپور ساڪرو (رپورٽ: صاحب خان ڪلمتي) ميرپور ساڪري ۾ مسلسل پنج ڏينهن پوندڙ تيز طوفاني برساتن تباهي مچائي ڇڏي، ميرپور ساڪري تعلقي جي مختلف يوسيز جي ڳوٺن ۾ پنج پنج فوٽ پاڻي بيھي ويو، انتظاميا غائب، سم ناليون اور ٽاپ ٿي ويون، خبرموجب پنج ڏينهن مسلسل پوندڙ تيز برساتن ميرپور ساڪري تعلقي ۾ تباهي مچائي ڇڏي، يوسي سکپور، گھگھي، دٻو، کڳاڻ، چوبندي، ڪرمپور، سمڪي جي ڳوٺن عمرخان بلوچ، عبدالله ڌيڻيون، جاڙو لاشاري، اگاريو پٽيل، قاسم گاياڻي ۽ ٻين ڳوٺن ۾ پنج فوٽ پاڻي بيھي ويو، ڳوٺاڻن عبدالرزاق بلوچ، مورخان ڌيڻيون، ظھير لاشاري، صديق، رسول بخش ڌيڻيون ۽ ٻين دانھيندي چيو پنج ڏينهن تيز برسات هلندڙ آهي، گھر ڊھي پٽ ٿي ويا آهن، ڊي سي ٺٽو رڳو فوٽو سيڪشن ڪرائڻ ۾ مصروف آٓهي، ھنن مطالبو ڪيو ته پاڻي نيڪال ڪرايو وڃي.
