ميرپورخاص (بيورو رپورٽ) ميرپورخاص ۾ والڪٽ ٽائون جي رهواسين جو بجلي جي بندش خلاف پريس ڪلب آڏو احتجاجي مظاهرو. خبر موجب والڪٽ ٽائون جي رهواسين پاران گذريل ڪيترن ئي ڏينهن کان خراب ٿيل ٽرانسفارمر جي مرمت نه ٿيڻ خلاف وحيد بلوچ، اشرف بلوچ، نيڪ محمد، رسول بخش ۽ ٻين جي اڳواڻي ۾ پريس ڪلب اڳيان احتجاجي مظاهرو ڪيو. ان موقعي تي اڳواڻن ٻڌايو ته اسانجي علائقي جو گذريل ڪيترن ئي ڏينهن کان ٽرانسفارمر خراب آهي، بار بار شڪايت ڪرڻ باوجود حيسڪو آفيسر ٽرانسفارمر درست نه ڪرائي رهيا آهن جنهن سبب شهري سخت گرمي ۾ پريشاني کي منهن ڏئي رهيا آهن، هن حيسڪو عملدارن کان مطالبو ڪيو ته ٽرانسفارمر کي فوري طور تي ٺيڪ ڪيو وڃي ٻي صورت ۾ حيسڪو آفيسن جو گهيرو ڪيو ويندو.
