ميرپورخاص (بيورو رپورٽ) ميرپورخاص شهر جي مختلف ڪاليجن جي شاگردن برساتي پاڻي نيڪال نه ٿيڻ خلاف پريس ڪلب آڏو احتجاجي مظاهرو ڪري نعريبازي ڪئي، شاهه عبداللطيف گورنمينٽ بوائز ڪاليج، شهيد ذوالفقار علي ڀٽو بوائز ڪاليج،شهيد بينظير ڀٽو گرلز ڪاليج، ابن رشد گرلز ڪاليج، گورنمينٽ گرلز ڪاليج ڀانسنگھه آباد، اقراءَ گورنمينٽ بوائز ڪاليج سميت ٻين تعليمي ادارن ۾ پنج ڏينهن گذرڻ باوجود برساتي پاڻي نيڪال نه ٿي سگهيو، مختلف اسڪولن ۽ ڪاليجن جي شاگردن گڏجي پريس ڪلب اڳيان احتجاج ڪيو، ان موقعي تي علي حيدر، امجد علي، ڪاشف حسين، علي شاهه ۽ ٻين چيو ته ڪاليجن ۾ پاڻي بيٺل آهي، شاگردن مطالبو ڪيو ته فوري طور تي تعليمي ادارن ۽ آس پاس مان پاڻي نيڪال ڪيو وڃي.
