ڪراچي (شوبز نيوز) پاڪستان شوبز جي اداڪاره مهوش حيات ۽ ڀارتي ريپر ۽ راڳي هني سنگهه جي نئين ميوزڪ وڊيو جي پهرين جهلڪ منظر عام تي اچي وئي آهي، هني سنگهه پنهنجي نئين ميوزڪ وڊيو ۾ پاڪستان جي صف اول جي اداڪاره مهوش حيات کي شامل ڪيو آهي، جنهن جو اعلان سندس طرفان ڪجهه ڏينهن اڳ ڪيو ويو هيو، هاڻي ان ميوزڪ وڊيو جي پهرين جهلڪ منظر عام تي اچي وئي آهي، اها ميوزڪ وڊيو هني سنگهه جي هڪ البم گلوري جو حصو آهي، جيڪو 8 نومبر تي رليز ٿي رهيو آهي، وڊيو جي ٽيزر کي ٽي سيريز ميوزڪ طرفان سوشل ميڊيا تي شيئر ڪيو ويو آهي، جنهن ۾ هني سنگهه ۾ مهوش حيات کي به ٽيڪ ڪيو ويو آهي، ان وڊيو ۾ مهوش حيات کي ڪاري رنگ جي بولڊ لباس ۾ هني سنگهه سان گڏ ڏسي سگهجي ٿو، اها وڊيو ۽ ان جا اسڪرين شاٽس ميڊيا تي وائرل ٿي رهيا آهن، جڏهن ته صارفين بولڊ لباس پهرڻ تي مهوش حيات کي تنقيد جو نشانو بڻائي رهيا آهن.
