ملڪ جي مختلف شهرن ۾ پيٽرول پمپس بند، عوام سخت پريشان

0
99

ڪراچي(م ڊ) ملڪ جي مختلف شهرن ۾ پيٽرول پمپس بند ٿيڻ سبب عوام سخت مشڪلاتن کي منهن ڏئي رهيو آهي، ڪراچي جي اڪثر علائقن ۾ پيٽرول پمپ بند ڪيا ويا آهن جن ۾ ڪلفٽن، لياقت آباد، صدر، سهراب ڳوٺ، آءِ آءِ چند ريگر روڊ ۽ ٻين علائقن ۾ پمپس بند آهن

شهر جي جن علائقن ۾ پمپس کليل آهن اتي گاڏين جون ڊگهيون قطارون لڳي ويون، جڏهن ته شهري گاڏين ۽ موٽرسائيڪلن کان علاوه بوتلن ۾ پيٽرول خريد ڪري رهيا آهن

روزگار جي تلاش ۾ نڪتل شهرين کي سخت مشڪلاتن کي منهن ڏيڻو پئجي رهيو آهي، جڏهن ته پمپن جي بندش سبب پبلڪ ٽرانسپورٽ پڻ متاثر ٿي رهي آهي

ٻئي طرف اسلام آباد ۽ راولپنڊي ۾ به اڪثر پيٽرول پمپس بند آهن، جنهن سبب شهري پيٽرول لاءِ سخت ڏکيائن کي منهن ڏئي رهيا آهن

پنجاب ۾ ڊيلرز ايسوسي ايشن جي سڏ تي لاهور، سرگوڌا، گوجرانوالا، فيصل آباد، پشاور ۽ ٻين شهرن ۾ به پمپس بند آهن، سرگوڌا ۾ پمپ بند ٿيڻ سبب ناجائز منافعي خورن پيٽرول جا اگهه من پسندوصول ڪرڻ لڳا

پيٽروليم ڊيلرز ايسوسي ايشن جي سيڪريٽري جو چوڻ آهي ته حڪومت مطالبا نه مڃيا ۽ ڊيلرز جو مارجن 6 سيڪڙو نه ٿيڻ تائين ڳالهيون نه ٿينديون، واپارين جو چوڻ هو ته حڪومت مطالبا مڃڻ جو واعدو ڪيو هو پر هن وقت تائين ڪو به رابطو ناهي ڪيو ويو

ھي به پڙھندا

متان پيٽرول نه ملي، کير سپلاءِ ڪندڙ شهري کير جي ڊرم ۾ پيٽرول ڀرائي ڇڏيو