لاهور (اسپورٽس ڊيسڪ) پاڪستان ڪرڪيٽ بورڊ ( پي سي بي ) چيمپيئنز ڪپ جي ٽيمن لاءِ مينٽورز جو اعلان ڪري ڇڏيو. مينٽورز ۾ مصباح الحق، ثقلين مشتاق، سرفراز احمد، شعيب ملڪ ۽ وقار يونس شامل آهن، سندن پهرين اسائنمينٽ 12 کان فيصل آباد ۾ شروع ٿيندڙ چيمپيئنز ون ڊي ڪپ آهي. ان ڏس ۾ ميڊيا سان ڳالهائيندي پي سي بي چيئرمين محسن نقوي چيو ته پنجئي ڪرڪيٽرز راند جي وسيع تجربو رکندڙ آهن، سندن موجودگي پاڪستان ڪرڪيٽ لاءِ لاڀائتي ثابت ٿيندي. محسن نقوي چيو ته پي سي بي پاڪستان جي ڪرڪيٽ کي مضبوط ڊوميسٽڪ ڍانچي ذريعي مضبوط ڪرڻ لاءِ پُرعزم آهي.
وڪيٽ ڪيپر بيٽر سرفراز احمد کي مينٽور هئڻ باوجود پليئر طور کيڏڻ جي اجازت هوندي، هو مينٽورز ۾ شامل واحد ايڪٽيو ڪرڪيٽر آهي.
