مسوڀرڳڙي (ن پ ا) مسوڀرڳڙي لڳ گورنمينٽ گرلس پرائمري اسڪول واڻڪي وسي جي عمارت مٿان واپڊا جو 11 ڪي وي جون تارون ڪري پيون، جنهن سبب ٻارڙين ۾ دانهون پئجي ويون. ان ڏس ۾ مسوڀرڳڙي لڳ واڻڪي وسي ۾ گرلس پرائمري اسڪول جي مٿان 11kv جي تار رسيس مهل ڪري پئي جنهن ۾ رسيس سبب ڪو جاني نقصان نه ٿيو پر خوف سبب نياڻين ۾ دانهون پئجي ويون، هتان جي رهواسين ايڊوڪيٽ ڪامريڊ محب لغاري ،ڪامريڊ فريد لغاري، ڪامريڊ نثار لغاري ۽ ٻين واپڊا حيدرآباد ۽ هتان جي چونڊيل نمائندن کان مطالبو ڪيو آھي ته هڪدم نياڻين جي اسڪول مٿان هيوي ٽرانسميشن جون تارون هٽائي ٻئي ھنڌان گذاريون وڃن ته جيئن نياڻين جي تعليم خوف سبب متاثر ٿيڻ کان بچي سگهي.
