لاهور(م ڊ) لاهور جي عدالت چڙڏياريندڙ تقرير ڪيس ۾ ن ليگ اڳواڻ مريم اورنگزيب ۽ جاويد لطيف جي حاضري کان ڇوٽ جي درخواست ۽ ضمانتي ڪاغذ رد ڪندي شريڪ جوابدارن جي حاضري مڪمل ڪري ٻڌڻي 25 نومبر تائين ملتوي ڪري ڇڏي.دهشتگردي ٽوڙ عدالت جي جج ارشد جاويد ن ليگ اڳواڻن خلاف چڙڏياريندڙ تقرير ڪيس جي ٻڌڻي ڪئي. ٻڌڻي دوران جوابدارن جي وڪيل پاران مسلم ليگ ن اڳواڻ مريم اورنگزيب ۽ جاويد لطيف جي حاضري کان ڇوٽ بابت درخواست ڪئي جنهن کي عدالت رد ڪري ڇڏيو. عدالت ٻنهي اڳواڻن جا ضمانتي ڪاغذ به رد ڪري ڇڏيا. عدالت شريڪ جوابدارن جي حاضري مڪمل ڪري ٻڌڻي 25 نومبر تائين ملتوي ڪري ڇڏي. ن ليگ اڳواڻن خلاف گرين ٽائون ٿاڻي ۾ ڪيس داخل ٿيل آهي
