ڇور (ن پ ا) کوکرا پار کان حيدرآباد تائين ھلندڙ واحد ماروي ايڪسپريس ٽرين جو اچڻ جو روزانو ٽائيم شيڊيول تبديل ھجڻ ڪري ٽرين ۾ سفر ڪندڙ مسافر پريشان ٿيڻ لڳا آھن، انھي سلسلي ۾ ھتان جي علائقي واسين نور محمد نھڙي، وڪيل ھري سنگهه، دين محمد ڀنڀرو، پرتاب، راجيش ڪمار ۽ ٻين ٻڌايو ته ماروي ٽرين گذريل ھڪ مھيني کان حيدرآباد ٽرين کي شڊيول مطابق ڇور اسٽيشن تي پھچڻ جو ٽائيم شام جو ست وڳي ۽ کوکراپار پھچڻ جو وقت رات جو 8 وڳي آھي پر ٽرين روزانو ليٽ ھجڻ ڪري ڪڏھن ٽرين رات جو 11 وڳي ته ڪڏھن رات جو 12 وڳي پھچي ٿي جنھن ڪري ڇور، نيو ڇور، کوکراپار، پرچي، سومرا آباد ۽ ٻين ريلوي اسٽيشنن تي ٽرين چار، پنج ڪلاڪ ليٽ سان ايندي آھي جنھن ڪري مسافر سخت پريشان ٿي ويندا آھن ھنن چيو ته اسان ريلوي کاتي جي اعليٰ اختيارين کي اپيل ٿا ڪريو ته ماروي ٽرين کي پنھنجي شڊيول مطابق ھلايو وڃي ٻئي صورت سخت احتجاج ڪيو ويندو.
