لاڙڪاڻو (بيورو رپورٽ) لاڙڪاڻي ۾ نوجوان گهوٽ لانئون لهڻ کان اڳ پراسرار نموني گم ٿي ويو، وارثن طرفان ڳولا ۾ مدد جي لاءِ احتجاج، شهر جي الهه آباد محلي جي رهواسين ٻه ڏينهن اڳ پراسرار نموني گم ٿي ويل نوجوان گهوٽ جي ڳولا ۾ مدد لاءِ پريس ڪلب اڳيان احتجاجي مظاهرو ڪيو.پيرسن عورت تسليم شيخ پنهنجي ڀاءُ آفتاب شيخ غلام مرتضيٰ شيخ، پروين ثناءَ الله سان گڏجي دانهيندي چيو ته منهنجو 23 ورهين جو پورهيت پٽ آفاق شيخ مڇي مارڪيٽ واري علائقي ۾ ڪوٽ ۽ چپلن جي دوڪان تي پورهيو ڪري گهر ڀاتين جو پيٽ گذر ڪندو آهي جنهن جي شادي گذريل سومر ڏينهن رٿيل هئي جيڪو لانئون لهڻ کان اڳ ئي پراسرار نموني گم ٿي ويو آهي، ڳولا باوجود سندس پتو نه پئجي سگهيو آهي، هن مطالبو ڪيو ته نوجوان جي ڳولا ۾ مدد ڪئي وڃي.
