ممبئي(شوبز نيوز)ڀارتي اداڪارا ريڌي ڊوگرا فواد خان سان گڏ پنهنجي فلم جي حوالي سان اهم انڪشاف ڪيا آهن ڀارتي اداڪارا ريڌي ڊوگرا پاڪستاني سپر اسٽار فواد خان سان گڏ پنهنجي ڊيبيو فلم ”ابير گل“ بابت اهم انڪشاف ڪيا آهن.تازو ئي هڪ انٽرويو ۾ ريدي چيو ته فلم سائن ڪرڻ کان اڳ مون قانوني طور تي تصديق ڪئي هئي ته پاڪستاني اداڪار سان گڏ ڪم ڪرڻ جي هندستان ۾ اجازت آهي يا نه.هن وڌيڪ چيو ته ”فن جي ڪا به حد يا ورڇ نه هجڻ گهرجي، پر مون قانون جي دائري ۾ رهي فيصلو ڪيو. فلم جي شوٽنگ آڪٽوبر 2024 ۾ لنڊن ۾ شروع ٿي هئي. هدايتڪار آرتي ايس باگدي موجب فلم محبت جي ڪهاڻي آهي ۽ زندگي جي زخمن تي مرهم رکي ٿي، جتي ٻئي ڪردار پنهنجي سفر ۾ محبت کي ڳوليندا آهن. فواد خان جي آخري بالي ووڊ پروجيڪٽ اي دل هي مشڪل هئي، جنهن ۾ هن رنبير ڪپور، انوشڪا شرما ۽ ايشوريا راءِ سان گڏ مرڪزي ڪردار ادا ڪيو هو. هاڻي مداح سندس نئين فلم جو بي صبري سان انتظار ڪري رهيا آهن.
