لاهور(شوبز نيوز) پنجاب حڪومت فلم انڊسٽري کي فروغ ڏيڻ لاءِ وڏو فيصلو ڪيو آهي. رپورٽ موجب پنجاب جي وڏي وزير مريم نواز شريف ملڪ جي فلم انڊسٽري کي 2 ارب رپين جي گرانٽ ورهائڻ جي منظوري ڏئي ڇڏي آهي. سڀ کان وڌيڪ مشهور فلمون ٺاهيندڙ فلمساز ۽ هدايتڪار پئسا وصول ڪري سگهندا، جنهن لاءِ پنجاب جي وڏي وزير مريم نواز شريف هڪ فلم فنڊز ورهائڻ واري ڪميٽي پڻ ٺاهي آهي.ڪميٽي ۾ اطلاعات ۽ ثقافت واري صوبائي وزير عظميٰ بخاري ۽ ناڻي وارو صوبائي وزير مجتبيٰ شجاع الرحمان شامل هوندا، ڪميٽي ۾ سيڪريٽري اطلاعات، سيڪريٽري پي اينڊ ڊي، ۽ سيڪريٽري فنانس پڻ شامل هوندا. اهو ياد رکڻ گهرجي ته فنڊ انهن هدايتڪارن ۽ فلمسازن کي دستياب هوندا جن گذريل پنجن سالن ۾ گهٽ ۾ گهٽ هڪ فلم ٺاهي آهي، جڏهن ته فنڊ حاصل ڪرڻ لاءِ فلم جي اسڪرپٽ ۽ ڪاسٽ بابت تفصيل فراهم ڪرڻ ضروري هوندو.
