فريدآباد(ن پ) فريد آباد ۾ موٽرسائيڪل ڦر جي ڪوشش دوران 2 ڦورو سوگھا ٿي ويا. ان ڏس ۾ فريدآباد جي ڳوٺ فيض محمد درياڻي واسي ان جي واپاري ذوالفقار علي چانڊيو کان ٽن ھٿياربندن بچل شاخ مين روڊ سان ميھڙ ويندي اڳ وٺي موٽرسائيڪل ڦر ڪرڻ جي ڪوشش ڪئي واپاري جي مزاحمت ڪرڻ تي ڦورون ڀڄڻ جي ڪوشش ڪئي ته واپاري ۽ سندس جي ماڻهن ڦورون جو پيڇو ڪندي ڊوڙائي ڊوڙائي 2 ڦورو پڪڙي ورتا. پڪڙيل ڦورو فريدآباد پوليس حوالي ڪيا جتي پڪڙي پوليس حوالي ڪيل ڦورن جي سڃاڻپ ڳوٺ سوڍاري مسجد جا رھواسي الياس پٽ حنيف سوڍرتراب علي پٽ محمد علي سوڍر طور ڪئي وئي، فريدآباد پوليس کين لاڪپ ڪري ڇڏيو.
