فريدآباد(ن پ ا) ڳوٺ گهاڙي جاگير جي رھواسين ٻڍو کوسو،علي کوسو،اڪبر کوسو، گل حسن کوسو، ريحان کوسو ۽ ٻين جي اڳواڻي ۾ سوين مردن عورتن ۽ ٻارڙن جو فريدآباد شاھ گودڙيو روڊ تي باھيون ٻاري ڌرڻو ھڻي سخت نعريبازي ڪندي چيو ته ڳوٺ بگٽي کوسه جي رھواسين قبضا خور سلطان کوسو، مھراب کوسو، صوفن،بادشاهه ۽ ٻين اسان جي اسان جي ڪاڇي واري زمين تي ھٿياربندن ويھاري قبضو ڪيو آهي. پوليس ھٿياربندن خلاف ڪابه ڪاروائي ڪرڻ لاءِ تيار ناهي. مظاھرين مطالبو ڪيو ته ھٿياربند قبضا خورن خلاف ڪارروائي ڪري قبضو ختم ڪرائي تحفظ فراهم ڪيو وڃي. ٻئي طرف ايس ايس ايچ او فريدآباد الھبچايو شھوڪ ڌرڻي واري هنڌ پهچي مظاهررين سان ڳالھيون ڪري ڌرڻو ختم ڪرايو.
