واشنگٽن(انٽريسٽنگ نيوز) آمريڪي رياست فلوريڊا جي ميامي انٽرنيشنل ايئرپورٽ تي ٽڪيٽ ڪائونٽر ويجهو عورت جو سفر جو منصوبو ان وقت اڌورو رهجي ويو جڏهن کيس ايئرپورٽ تي سور پيا ۽ هن ٻار ڄڻي ورتو. ميامي ڊيڊ فائر ريسڪيو اهلڪارن هوائي اڏي تي ايمرجنسي ڪال جو جواب ڏنو جتي هڪ ڳورهاري عورت کي سور ٿيا ۽ پاڻي جي ٿيلهي ڦاٽي پئي ۽ هن سيڪورٽي ايريا ۾ چيڪ پوائنٽ هڪ وٽ ٻار ڄڻيو. ريسڪيو عملو عورت جي ٻار ڄڻڻ ۾ مدد ڪندو رهيو. ايئرپورٽ عملي ٻڌايو ته عورت ٻن فلائٽن وچ ۾ هئي ۽ هڪ جهاز جو انتظار ڪري رهي هئي جيڪو انهن کي ٻي رياست کڻي وڃي ها پر هو سفر ڪري نه سگهي.
