نئين دهلي (شوبز نيوز) بالي ووڊ ڪنگ شاهه رخ خان پنهنجي گهر “منت” ٻاهران 95 ڏينهن کان بيٺل مداح سان نيٺ ملاقات ڪري ورتي آهي، شاهه رخ خان پنهنجي سالگرهه هر سال وڏي جوش ۽ جذبي سان ملهائيندو آهي ۽ ان ڏينهن سندس گهر “منت” ٻاهران مداحن جو وڏو زنگ به موجود هوندو آهي، جنهن سبب اداڪار بالڪني ۾ اچي ٻاهر جمع ٿيل مداحن جو ٿورو مڃيندو آهي، هن سال اداڪاره پنهنجي سالگرهه رڳو پنهنجي دوستن ۽ گهر وارن سان گڏ ملهائي، جنهن سبب سندس مداح بالڪني تي پنهنجي پسنديده هيرو جي جهلڪ نه ڏسي سگهيا پر انهن مداحن مان هڪ خوش نصيب مداح اهڙو به هيو، جنهن سان ڪنگ خان ملاقات ڪئي، ميڊيا رپورٽس موجب ان مداح جو نالو شير محمد آهي، جنهن جو تعلق رياست جهار کنڊ سان آهي، اهو شاهه رخ جي گهر “منت” ٻاهران 95 ڏينهن کان بيهي ملاقات جو انتظار ڪري رهيو هيو، جنهن جي خواهش اداڪار پوري ڪري ڇڏي، شير محمد جي شاهه رخ خان سان هٿ ملائيندي تصوير سوشل ميڊيا تي به وائرل ٿي رهي آهي، جنهن کي خوش نصيب چيو پيو وڃي، ڀارتي ميڊيا موجب شير محمد ٻڌايو ته ان کي ڪنگ خان جي فلم ڪوئله سڀ کان وڌيڪ پسند آهي ۽ اهو پنهنجي اداڪار جي نقل ڪڏهن نه ڪندو.
