سڪرنڊ (ن پ ا) سڪرنڊ ڀرسان ڳوٺ دلدار آباد راهو ۾ ايڪتا تقريب، صوفي راڳين پاران ڪلام ڳائي ڌرتي ۽ سنڌو درياهه کي ڀيٽا پيش ڪئي وئي، تقريب سماجي اڳواڻ نبي بخش راهو جي ميزباني هيٺ ٿي، جنهن ۾ وڏي انگ ۾ ڳوٺاڻن شرڪت ڪئي، ان موقعي تي اڳواڻن چيو ته سنڌ ڌرتي اسان جي جيجل ماءُ مثل آهي، سنڌو درياهه اسان جو جياپو آهي، اسان جون اوطاقون ويران ٿي ويون هيون، علي قاضي جي ڪوششن سان اهي وري آباد ٿي ويون آهن، جتي ثقافتي ڪچهريون ٿي رهيون آهن، ان موقعي تي ثناءَ الله پرهياڙ، علي شير ڪيريو، تراب علي ملاح، گل زمان ميمڻ، آفتاب راهو، الطاف راهو ۽ ٻين شرڪت ڪئي، جڏهن ته صوفي راڳي پيرل پياسي ۽ ٻين ڪلام ڳائي سنڌ ڌرتي ۽ سنڌو درياهه کي ڀيٽا پيش ڪئي.
