لاهور (م ڊ) ڊسڪا جي قومي تڪ اين اي 75 تي ننڍي چونڊ اڄ ٿيندي، نواز ليگ جي نوشين افتخار ۽ پي ٽي آءِ جي علي اسجد ملهي ۾ وڏو دنگل ٿيندو، رينجرز جي نگراني ۾ پولنگ جو سامان پولنگ اسٽيشزن تي پهچايو ويو، حساس پولنگ اسٽيشنز تي سي سي ٽي وي ڪيمرائون لڳايون ويون، چونڊ عمل کي پرامن بڻائڻ لاءِ سيڪيورٽي جا انتظام سخت ڪيا ويا آهن، فوج ڪوئيڪ ريسپانس فورس طور موجود هوندي. جڏهن ته پيپلزپارٽي ڊسڪا جي اليڪشن ۾ نواز ليگ اميدوار نويشن افتخار جي حمايت جو اعلان ڪيو آهي، پ پ اڳواڻ قمر زمان ڪائره چيو ته ڊسڪا اليڪشن بابت واعدي تي قائم آهيون، 18 فيبروري تي به پ پ نواز ليگ اميدوار کي ووٽ ڏنا،اڄ به ڏينداسين، پي ڊي ايم ۾ به اختلافن باوجود پنهنجي واعدن تي قائم آهيون.
