ڪراچي (رپورٽ: شاهد ميراڻي ) سنڌ ۾ ايم بي بي ايس ۽ بي ڊي ايس ۾ داخلائن لاءِ ايم ڊي ڪيٽ جي ٻيهر ٽيسٽ 8 ڊسمبر تي ڪرائڻ جو اعلان، ان ڏس ۾ آءِ بي اي سکر ٽيسٽ لاءِ تياريون مڪمل ڪري ورتيو ن، ايم ڊي ڪيٽ ٽيسٽ لاءِ پرڳڻي ۾ 8 سينٽر قائم ڪيا ويندا، ڪراچي ۾ پيهه ۽ بدنظمي کان بچڻ لاءِ 3 سينٽر قائم ڪيا ويندا، جڏهن ته حيدرآباد، سکر، لاڙڪاڻي، ميرپورخاص ۽ شهيد بينظيرآباد ڊويزنن ۾ هڪ هڪ سينٽر قائم ڪيو ويندو، ٽيسٽ ۾ 38 هزار 609 اميدوار حصو وٺندا، اميدوارن لاءِ سڃاڻپ لاءِ ايڊمٽ ڪارڊ سان گڏ سڃاڻپ ڪارڊ، پاسپورٽ، ڊوميسائل ۽ تصويرن واري مارڪس شيٽ مان ڪو هڪ دستاويز آڻڻ لازمي هوندو، واِضح رهي ته گذريل ڀيري ڊائو يونيورسٽي جي انتظام هيٺ ورتل ايم ڊي ڪيٽ ٽيسٽ ۾ پيپر وقت کان اڳ آئوٽ ٿيڻ سبب سنڌ هاءِ ڪورٽ ٻيهر امتحان وٺڻ جو حڪم ڏنو هو.
