ڪراچي (شوبز نيوز) پاڪستاني اداڪار سعود قاسمي ۽ بالي ووڊ جي مشهور ماڊل ۽ اداڪاره نورا فتحي جي ملاقات جي وڊيو سوشل ميڊيا تي وائرل ٿي هئي ۽ اها وڊيو اداڪار جي زال جويريه سعود پاڻ پنهنجي انسٽاگرام اڪائونٽ تي شيئر ڪئي هئي، جنهن مداحن جي توجهه حاصل ڪري ورتي، تازو ئي هڪ نجي ٽي وي پروگرام ۾ ميزبان اياز سومرو سعود قاسمي کان ان وائرل وڊيو جي باري ۾ سوال ڪيو، سعود وضاحت ڪندي چيو ته “منهنجي ننڍي ڀاءُ جي ليگ جو ميچ هيو، جنهن ۾ نورا فتحي ۽ ميڪا سنگهه سميت ٻيون مشهور شخصيتون شريڪ هيون، منهنجي نورا سان ملاقات اتي ٿي، ڪنهن اها وڊيو ٺاهي مذاق طور جويريه کي اماڻي ڇڏي، جنهن بعد جويريه ان کي پوسٽ ڪري ڇڏيو.” ميبزن جويريه جي ڪال جي باري ۾ سوال ڪيو ته سعود ڳالهه کي کل مذاق ۾ ٽاري ڇڏيو، هن وڌيڪ چيو ته “وڊيو ڪنهن ٻئي بڻائي هئي، منهنجو رخ نورا طرف هيو ئي نه، اهو سڀ ڪجهه اتفاقي هيو.” سعودي قاسمي وڌيڪ چيو ته اها وڊيو رڳو هڪ تفريحي لمحي جي عڪاسي ڪندي آهي ۽ ان جو ڪوئي منفي پهلو نه هيو، جويريه ۽ سعود جي ڪيمسٽري ۽ هلڪي ڦلڪي ردعمل مداحن کي مزو ڏنو.
