ڪراچي(اسٽاف رپورٽر) سجاول مان ٻارن کي اغوا ڪري ڪراچي ۾وڪڻندڙ ٺٽي و اسي زال مڙس گرفتار، ايس ايس پي ڪيپٽن (ر) فيضان علي موجب اسان ڳجهي اطلاع تي شازيه ۽ سندس مڙس اعجاز هنڱورو کي گرفتار ڪيو آهي، جوابدارن ٻڌايو آهي ته اهي ٺٽي جا رهواسي آهن، اعجاز هنڱورو زراعت کاتي جو ملازم آهي، سندن قبضي مان سجاول جي اسپتال مان اغوا ٿيل تازي ڄاول ٻارڙيءَ هٿ آئي آهي، جوابدارن تسليم نالي ليڊي هيلٿ ورڪر جي مدد سان سجاول جي سول اسپتال مان ٻارڙي کي اغوا ڪيو هو، ليڊي هيلٿ ورڪر کي اڍائي لک رپيا ڏنا ويا هئا، جوابدار جوڙو عاصمه نالي عورت کي ٻارڙي 8 لکن ۾ وڪرو ڪرڻ لاءِ ڪراچي اچي رهيو هو، انهي جوڙي 2019 ۾ به ساڳئي ليڊي هيلٿ ورڪر جي مدد سان تازي ڄاول ٻار کي اغوا ڪري ٺٽي جي هڪ بي اولاد جوڙي کي وڪرو ڪيو هو، اهو ٻار انهي جوڙي وٽ موجود آهي ۽ اسڪول ۾ پڙهندو آهي، جوابدارن خلاف ڪيس داخل ڪيو ويو آهي
