ٽنڊوڄام (ن پ ا) سنڌ زرعي يونيورسٽي ٽنڊوڄام ۾ منقعد ٿيل والي بال چيمپئن شپ ۾ شاهه لطيف يونيورسٽي خيرپور سوڀاري، پشاور يونيورسٽي ۾ ٿيندڙ مقابلن لاء ڪواليفائي ڪري ورتو، سنڌ زرعي يونيورسٽي ٽنڊوڄام ۾ هائير ايجوڪيشن ڪميشن جي سهڪار سان منعقد ٿيل چيمپئن شپ زون ڪي جو فائنل شاهه عبدالطيف يونيورسٽي خيرپورميرس ۽ مهراڻ يونيورسٽي ڄامشورو جي ٽيمن وچ ۾ کيڏيو ويو, جنهن جي بيسٽ آف ٿري مقابلي ۾ پهريون سيٽ مهراڻ يونيورسٽي 20- 24 تي ڪيو، جڏهن ته ٻه ٻيا سيٽ شاهه لطيف يونيورسٽي 24-15 ۽ 21-24 تان کٽي فائينل مقابلن لاء ڪواليفائي ڪري ورتو، جنھن ۾ ملڪي يونيورسٽين جا فائنل مقابلا ھاڻي پشاور يونيورسٽي ۾ کيڏيا ويندا, والي بال جي فائينل واري تقريب جي مهمان خاص پبلڪ اسڪول حيدرآباد جي پرنسپال اقبال ميمڻ ونر ۽ رنر ٽيمن کي ٽرافي ڏني, ان موقعي تي سنڌ زرعي يونيورسٽي جي ڊائريڪٽر اسپورٽس انوار حسين خانزادي ڪامياب ٿيندڙ ٽيم کي مبارڪ ڏني, تقريب ۾ مجتبي’ جتوئي, فتح ڪنڌر, شوڪت سانگي, عمر دستي ۽ ٻين پڻ شرڪت ڪئي.
