دبئي(شوبز نيوز) جڳ مشهور پاڪستاني گلوڪار راحت فتح علي خان ۽ بالي ووڊ اداڪار سنجي دت جي هڪ ڪنسرٽ دوران ملاقات ٿي آهي جنهن جي وڊيو سوشل ميڊيا تي وائرل ٿي رهي آهي. اِها وڊيو راحت فتح علي خان جي دبئي ۾ ٿيل هڪ ڪنسرٽ جي بيڪ اسٽيج جي آهي، جتي سنجي دت به موجود هو. وڊيو ۾ ٻنهي شخصيتن کي خوشگوار انداز ۾ هڪٻئي سان گفتگو ڪندي ۽ ٻيهر ملڻ جو منصوبو ٺاهيندي ڏسي سگهجي ٿو. راحت فتح علي خان اِها وڊيو پنهنجي آفيشل فيسبڪ اڪائونٽ تي به شيئر ڪئي، جنهن تي مداح دلچسپ تبصرا ڪري رهيا آهن.
