دوداپور (ن پ ا) دوداپور جي اسڪول ۾ ٽائيم نيوز ۽ روزاني پنھنجي اخبار جي اعلان“ انتھا پسندي کان آجي سنڌ” جي عنوان سان ايڪتا جي حوالي سان رنگا رنگ تقريب ڪوٺائي وئي، تقريب ۾ شاگردن ۽ شاگردياڻين قومي گيتن تي رقص ڪيو ۽ ٽيبلوز پيش ڪندي سنڌي بيت چئي محفل کي مچائي ڏيو، ان موقعي تي استادن غلام عباس لهر،آصف لهر ۽ ٻين جو چوڻ هو ته سنڌي ثقافت هزارين سال پراڻي آهي، ٽائيم نيوز ۽ روزاني پنھنجي اخبار جي اعلان“ انتھا پسندي کان آجي سنڌ” جي اعلان قابل تعريف آهي، ڇاڪاڻ ته سنڌ کي ھميشه انتھا پسندي جي آڙ ۾ کوکلو ڪيو پيو وڃي ڪڏهن بدامنيءَ ته ڪڏھن قبائلي تڪرارن ته ڪڏھن ڪرپشن ڪري سنڌ تي وار ڪيو پيو وڃي، انھن کي تعليم جي شعور سان شڪست ڏينداسين، هنن وڌيڪ چيو ته اسان هر سال ثقافتي ڏهاڙي کي وڏي جوش سان ملهائيندا آهيون.
