لاهور (شوبز نيوز) سپر اسٽار ماهرا خان چيو آهي ته دنيا جو ڪو به ڪامياب شخص “سيلف ميڊ” ٿي ئي نٿو سگهي ۽ نه ئي ڪو “سيلف ميڊ” هوندو آهي. اڄڪلهه ماهرا خان جي ”سيلف ميڊ“ خاندان ۽ دوستن طرفان مدد ڪرڻ واري معاملي تي ڪيل ڳالهه ٻولهه جي مختصر وڊيو ڪلپ وائرل رهي آهي جنهن ۾ هن خاندان ۽ دوستن جي ساٿ جي اهميت تي ويچار ونڊيا هئا. اداڪارا کان هڪ تقريب جي پڄاڻي تي سوال ڪيو ويو ته هن تقريب دوران خاندان ۽ دوستن جي ساٿ ۽ سهڪار تي ڳالهايو هوءَ ان حوالي سان وڌيڪ پنهنجي خيالن جو اظهار ڪري. ماهرا خان چيو ته هن تقريب ۾ به اِهو ئي چيو ته “سيلف ميڊ” نالي ڪا شئي ناهي هوندي، اهڙيون ڳالهيون چوڻ ۾ سٺيون لڳنديون آهن پر انهن جو حقيقت سان ڪو تعلق ناهي هوندو. اداڪارا جو چوڻ هو ته هوءَ اڄ جيڪو ڪجهه به آهي پنهنجي والدين جي مدد، ڀائرن ۽ پٽن جي سهڪار سميت دوستن جي مدد سان آهي. ماهرا خان موجب، هوءَ جنهن مقام تي پهتي آهي ان ۾ سندس دوستن، ساڻس ڪم ڪندڙ ساٿين جو به ڪردار، سندس ذاتي خيال آهي ته سيلف ميڊ نالي ڪا شئي ناهي هوندي.
