ڪراچي(شوبز نيوز) ماڊل ۽ اداڪارا دانيا انور انڪشاف ڪيو آهي ته سندس پهرين شادي طلاق نه پر طلاق ذريعي ختم ٿي ڇو ته هن شادي نڀائڻ لاءِ هر ڪوشش ڪئي پر ناڪام رهي. اداڪارا تازو هڪ پوڊڪاسٽ ۾ پنهنجي ذاتي زندگي بابت ڳالهائيندي ٻڌايو ته هن 19 ورهين جي عمر ۾ پنهنجي مرضيءَ سان شادي ڪئي، جيڪا ڪجهه وقت تائين هلي، پر شادي دوران کيس بدترين تشدد جو نشانو بڻايو ويو. دانيا ٻڌايو ته هن شادي بچائڻ جي ڪوشش ڪئي، نيٺ پنهنجي ماءُ جي صلاح تي طلاق ورتي. هن چيو ته شادي ختم ٿيڻ کانپوءِ سندس والدين ساڻس گڏ رهيا، جڏهن ته ماءُ اداڪاري جي دنيا ۾ اچڻ لاءِ اتساهيندي رهي. اداڪارا ٻڌايو ته ڪجهه وقت کانپوءِ هن ٻي شادي ڪئي، جيڪا ڪامياب رهي. سندس ٻه ٻار به هن سان گڏ رهن ٿا ۽ سندس موجوده مڙس نه رڳو هن جي حمايت ڪري ٿو، پر ٻارن جو به چڱي ريت سنڀال ڪري ٿو. دانيا موجب، سندس ٻيو مڙس به شوبز انڊسٽريءَ سان واڳيل آهي، تنهنڪري هو سندس ڪم کي سمجهي ٿو ۽ هر حال ۾ سندس ساٿ ڏئي ٿو. ياد رهي ته دانيا انور جي ٻي شادي مشهور اداڪار نديم جي پٽ سان ڪئي آهي.
