دادو (رپورٽ: فتاح شيخ) دادو اي سيڪشن پوليس ڳوٺ دوداڻي جمالي ۾ ستين درجي جي شاگردياڻي 12. سالن جي عليشا ڌيء عبدالحڪيم جمالي جي شادي روڪرائي ورتي ورتي آهي ، اي سيڪشن پوليس شاگردياڻي عليشا کي پنهنجي تحويل ۾ وٺي سندس پيء عبدالحڪيم جمالي ، مامي محبوب جمالي کي گرفتار ڪري اي سيڪشن ٿاڻي تي آندو ويو
اي ايس آء رحمت الله لغاري جي فرياد تي ننڍي عمر جي ڪنوار علشا جي پيء عبدالحڪيم جمالي ، مامي محبوب ، مولوي اشرف ٻگهيو ۽ گهوٽ سماجي اڳواڻ ، پي ايس دادو تي اليڪشن لڙندڙ آفتاب احمد جمالي سميت 5 ڄڻن خللاف چائلڊ ميريج ايڪٽ تحت ايف آء آر داخل ڪري ورتي آهي
اي سيڪشن پوليس ننڍي عمر جي ڪنوار ۽ گرفتار ڪيلن کي سيڪنڊ سول جج روبينا ڀٽو جي عدالت ۾ پيش ڪيو ، عدالت ۾ عليشا بيان ڏنو آهي ته پيءُ ۽ ماءُ جي رضامندي سان آفتاب احمد جمالي سان شادي پئي ته پوليس ڇاپو هڻي کيس هتي کڻي آئي آهي
عليشا جي اهڙي بيان کانپوء عدالت عليشا کي سندس ڀاء احسان جمالي حوالي ڪرڻ جا حڪم ڏنا ۽ گرفتار ڪيل سندس پيء ۽ مامي جيل ڪسٽڊي حوالي ڪرڻ جا حڪم ڏنا ، جنهن کانپوء پوليس عليشا جي پيء ۽ مامي کي ڊسٽرڪٽ جيل دادو حوالي ڪيو آهي
