دادو/مورو (نمائندن وٽان) دادو شهر جي ڇاڻو شاهه آباد پاڙي واسي 22 سالن جو شاگرد احمد خان پٽ اعجاز علي سولنگي دادو مورو پل وٽ پهچي سنڌو درياهه ۾ ٽپو ڏئي زندگي جو انت آڻي ڇڏيو آهي، اطلاع تي شاگرد جي وارثن دادو مورو پل وٽ پهچي ٽوٻن جي مدد سان شاگرد جي لاش جي ڳولا ڪئي آخري اطلاعن تائين شاگرد هٿ نه آيو، شاگرد احمد خان سولنگي جي مائٽن جو چوڻ آهي ته شاگرد احمد خان سان ڪو به گهرو مسئلو نه هو خبر ناهي هن خودڪشي ڇو ڪئي آهي، نوجوان جي گهر ۾ ڪهرام متل آهي.
