خيرپور (اسپورٽس نيوز) سنڌ جي جونيئر ھاڪي ٽيم جا ٽرائلز، پاڪستان ھاڪي فيڊريشن پاران اسلام آباد ۾ 21 سيپٽمبر کان شروع ٿيندڙ 37 ھين قومي جونيئر ھاڪي چئمپين شپ لاءِ بخت علي ڏھوٽ ھاڪي اسٽيڊيم خيرپور ۾ سنڌ جي ھاڪي ٽيم جا ٽرائلز ٿي گذريا جنھن ۾ سکر، خيرپور، گھوٽڪي، جيڪب آباد، ڪشمور، شڪارپور ۽ لاڙڪاڻي ضلعي جي 50 کان وڌيڪ رانديگرن حصو ورتو. ان موقعي تي پاڪستان ھاڪي فيڊريشن سنڌ جي ڪوآرڊينيٽر محمد رمضان جمالي رانديگرن کي خطاب ڪندي چيو ته ڪراچي ۽ حيدرآباد سينٽر جا ٽرائلز مڪمل ٿيڻ کان بعد سنڌ جي ٻن ٽيمن جو اعلان ڪيو ويندو جيڪي 37 ھين قومي جونيئر ھاڪي چيمپيئن شپ اسلام آباد ۾ شرڪت ڪنديون. ان موقعي تي آرگنائيزر ذوالفقار علي ڏھوٽ ۽ سليڪشن ڪاميٽي جن ۾ پروفيسر اعجاز احمد کوکر، عبدالرشيد مھر، محمود منگي ھئا. ان موقعي تي سيڪريٽري ڊسٽرڪٽ ھاڪي ايسوسيئيشن خيرپور عرفان علي ڏھوٽ، غلام مرتضي ڏھوٽ، نعمان شيخ ۽ ٻيا موجو ھئا.
