خيرپور (رپورٽر) روزاني پنهنجي اخبار ۽ ٽائيم نيوز سرواڻ جي سڏ تي پهرين ڊسمبر تي ايڪتا ڏهاڙو ملهائڻ جي اعلان جي سلسلي ۾ خيرپور جي نجي اسڪول ۾ ايڪتا تقريب منعقد ڪئي وئي، تقريب ۾ اسڪول جي شاگردن ۽ شاگردياڻين سنڌي لباس اوڍي سنڌي گيتن تي ٽيبلوز پيش ڪيا ۽ تقريرون ڪيون، جڏهن ته سنڌي ثقافتي شين جا اسٽال پڻ لڳايا ويا، تقريب کي خطاب ڪندي اسڪول جي چيئرمين قربان منگي چيو ته اسين سنڌي هزارين سال پراڻي تهذيب ۽ ثقافت جا مالڪ آهيون، سنڌي امن پسند ۽ مهمان نواز آهن، هن چيو ته روزاني پنهنجي اخبار ۽ ٽائيم نيوز جي سرواڻ علي قاضي طرفان هن ڏينهن جو بنياد رکي سنڌي ماڻهن کي گڏ ٿيڻ لاءِ هڪ پليٽ فارم مهيا ڪيو ويو آهي، ھن چيو ته پهرين ڊسمبر تي ايڪتا ڏهاڙو ڀرپور نموني ملهايو ويندو.
