خانپور (ن پ ا) “انتھا پسندي کان آجي سنڌ” پھرين ڊسمبر تي ٽائيم نيوز ۽ پنھنجي اخبار سٿ پاران ثقافتي ڏھاڙو ملھائڻ واري اعلان تي سڄي سنڌ جيان خانپور ۾ به ھر طرف ثقافتي رنگ نکري پيا آهن، ان حوالي سان قومي عوامي تحريڪ طرفان ايڪتا ڏهاڙي جي حوالي سان تقريب ڪوٺائي وئي، ان موقعي تي اڳواڻن اديب حمير چانڊيو، شاعر شمس الحق ابڙو، عمر سيٺار، واجد علي شاھ، خانپور يوٿ جو چيئرمين محمد عارف آرائين، نھال ڀنڀرو، غلام عباس سيٺار ۽ ٻين چيو ته ٽائيم نيوز ۽ پنهنجي اخبار سٿ جي سرواڻ علي قاضي اسان سنڌين کي پنهنجي ثقافتي ڏينهن ملھائڻ جي شروعات ڪئي،هنن چيو ته اسان ٽائيم نيوز۽ پنهنجي اخبار سٿ سان گڏجي ثقافتي ڏھاڙو عيد وانگر جوش ۽ جذبي سان ملھائي اسان دنيا کي ٻڌائينداسين ته اسان جي سنڌ ھر مذھبي انتھا پسندي کان پاڪ سنڌ جي سرزمين آهي.
