خانپور لڳ معصوم نينگري سان زيادتي: حالت ڳڻتي جوڳي: شڪارپور منتقل

شڪارپور/خانپور (رپورٽ وحيد بروھي- عاصم دايو ) خانپور ويجهو رحيم آباد ٿاڻي جي حد ڳوٺ صدورو پنھور جي معصوم نياڻي 8 سالا سيما ڌي شيرل پنھور جوابدار بلاول پٽ ملان شر مبينا زيادتي جوشڪار بڻائي ڇڏيو، معصوم نياڻي رتو رت ٿي وئي، رحيم آباد پوليس حد جو تڪرار ڄاڻائيندي ڪيس داخل ڪرڻ کان جواب ڏئي ڇڏيو، جنهن کان پوءِ معصوم نينگري کي خانپور ٿاڻي تي آندو ويو، جتي اين سي داخل ڪرائي ليٽر وٺي معصوم نياڻي سيما کي شڪارپور سول اسپتال پھچايو ويو، جتي ليڊي ڊاڪٽر پاران  نياڻي جو علاج  نه ٿيڻ ڪري وارث مايوسي واري صورتحال ۾ مبتلا ٿي ويا آهن.

نينگري کي اسپتال موڪليو آهي، وارثن جي مرضي مطابق ڪيس داخل  ڪنداسين: خانپور پوليس

خانپور /شڪارپور: خانپور پوليس جو چوڻ آهي  ته وارث نينگري کي کڻي آيا اسان ليٽر ڏئي شڪارپور اسپتال نينگري کي  ميڊيڪل چڪاس لاءِ لاءِ موڪليو آهي وارثن جي مرضي مطابق ڪيس داخل ڪيو ويندو  نينگري سان زيادتي ڪندڙ جوابدارن کي جلد گرفتاري ڪيو ويندو.

ليڊي ڊاڪٽر ناهي آئي، جئين آئي ته چڪاس بعد تصديق ڪري سگھجي ٿي: اسپتال عملو

خانپور/شڪارپور: شڪارپور اسپتال جي عملي جو چوڻ آهي  ته ڊاڪٽرياڻي اچي ته ٻارڙي جي چڪاس کان پوءِ تصديق ڪري سگھجي ٿي ۽ نينگري جا جزا ليبارٽري پڻ موڪليا ويندا .

جتي واقعو پيش آيو آهي،  اھا حد خانپور ٿاڻي جي آهي: رحيم آباد پوليس

خانپور/شڪارپور: رحيم آباد پوليس رابطو ڪرڻ تي ٻڌايو ته  ڄاڻايل ڳوٺ اسان جي حد ۾ آهي  پر جتي واقعو پيش آيو آهي  اھا حد خانپور ٿاڻي جي آهي.