حيدرآباد (بيورو رپورٽ) حيدرآباد جي هٽڙي پوليس مبينا مقابلي ۾ هڪ جوابدار کي زخمي حالت ۾ گرفتار ڪرڻ جي دعويٰ ڪئي آهي. اهو مقابلو چانگ موري باءِ پاس وٽ ٿيو جنهن ۾ اختيار چانڊيو نالي شخص کي زخمي حالت ۾ گرفتار ڪيو ويو جڏهن ته سندس ساٿي فرار ٿي ويو. پوليس مطابق موٽرسائيڪل تي سوار هٿياربندن کي روڪڻ جي ڪوشش ڪئي وئي جنهن تي انهن فائرنگ شروع ڪري ڏني. جوابي فائرنگ ۾ هڪ ڄڻو زخمي ٿي پيو جنهن کي گرفتار ڪري علاج لاءِ اسپتال منتقل ڪيو ويو. پوليس موجب گرفتار جوابدار جي سڃاڻپ اختيار چانڊيو جي نالي سان ٿي. سندس ساٿي فرار ٿي ويو. هن وٽان بنا لائسنس وارو هٿيار به هٿ آيو. گرفتار جوابدار پوليس کي مختلف ڏوهن ۾ گهربل آهي.
