جيڪب آباد (رپورٽر) جيڪب آباد ۾ نئون ديرو واسي کدڙو فقير ڇرين جا وار ڪري بيدرديءَ سان قتل، جوابدارن ڳلو ڪپي پيٽ چيري ڦاڙي ڇڏيو، صدر ٿاڻي جي حد مولاداد ڦاٽڪ وٽ موٽرسائيڪل تي سوار اڻڄاتل هٿياربندن نئون ديرو واسي کدڙي فقير فدا حسين عرف فدي شيخ جي گهر ۾ گهڙي ڇرين جا وار ڪري ڳلو ڪپڻ کان پيٽ چيري ڦاڙي ڇڏيو، کدڙو فقير زخمي حالت ۾ گهران نڪري روڊ تي اچي دم ڏنو، اطلاع تي پوليس واقعي واري هنڌ پهچي لاش پنهنجي تحويل ۾ وٺي پوسٽ مارٽم لاءِ اسپتال منتقل ڪيو جڏهن ته کدڙي فقير جي وارثن کي اطلاع ڪيو ويو جيڪي سول اسپتال پهتا لاش ضروري ڪارروائي بعد وارثن حوالي ڪيو ويو آهي، ان سلسلي ۾ پوليس ٻڌايو ته مقتول فقير جو قتل ٽارگيٽڊ لڳي رهيو آهي لاش سول اسپتال منتقل ڪيو ويو لاش ضروري ڪارروائي بعد وارثن حوالي ڪيو ويو آهي، وڌيڪ معاملي جو مختلف رخن کان جاچ ڪيون پيا ته مقتول کدڙي فقير کي ان طرح بيدرديءَ سان ڇو قتل ڪيو ويو آهي.
