جيڪب آباد (رپورٽر) جيڪب آباد جي پيچوها ڦاٽڪ وٽ ڪوئيٽا کان پشاور ويندڙ جعفر ايڪسپريس جون 3 بوگيون پٽڙي تان لهي ويون اوچتو بوگيون پٽڙي تان لهي وڃڻ سبب مسافرن ۾ دانهون پئجي ويون جڏهن ته خوش قسمتي سان مسافر محفوظ رهيا آهن جعفر ايڪسپريس جون بوگيون پٽڙي تان لهي وڃڻ سبب سکر ايڪسپريس ۽ بولان ميل کي جيڪب آباد ريلوي اسٽيشن تي روڪيو ويو آهي جعفر ايڪسپريس جا چار بوگيون ڌار ڪري ٽرين کي منزل طرف روانو ڪيو ويو آهي جڏهن ته ريلوي ٽريڪ تي بوگيون بيهڻ سبب سکر ايڪسپريس ۽ بولان ميل جي روانگيءَ متاثر ٿي آهي جعفر ايڪسپريس جي بوگين کي ٽريڪ تي چاڙهڻ ۽ ٽريڪ کي ڪليئر ڪرڻ لاءِ سکر کان هيوي مشينري گهرائي وئي آهي جنھن کانپوءِ ريلوي ٽريڪ کي ڪليئر ڪيو ويندو ان سلسلي ۾ ريلوي اختيارين ٻڌايو ته جعفر ايڪسپريس جا 4 بوگيون ڪٽي باقي ٽرين کي منزل طرف روانو ڪيو ويو جڏهن ته چئن بوگين جي مسافرن کي روهڙي ۾ ٻيون بوگيون لڳائي ايڊجسٽ ڪيو ويندو ريلوي اختيارين موجب ته في الحال پتو نه پئجي سگهيو آهي ته واقعو ڪيئن ٿيو ان بابت ڄاڻ ورتو پيو وڃي اگر ملازمن جي لاپرواهي سامهون آئي ته انهن خلاف ڪارروائي ڪيو ويندو
