جيڪب آباد (رپورٽر) جيڪب آباد جي ڳوٺ فخر الدين کوسو واسي نوجوان اسرار عرف راحب کوسو ڪوئيٽا مان 4 ڏينهن اڳ پراسرار نموني گم ٿي ويو آهي نوجوان جي گم ٿيڻ سبب وارث سخت پريشان آهن، نوجوان جي پيرسن امڙ مسمات حوا پنهنجي نياڻي سان گڏجي پاڪ ڪتاب کڻي چيو ته پٽ اسرار عرف راحب چار ڏينهن اڳ سبزي وٺڻ لاءِ گهران نڪتو واپس نه وريو، پٽ جي گم ٿيڻ سبب پريشان آهيان، هن اپيل ڪئي ته پٽ اسرار عرف راحب کوسو جي ڳولا ۾ مدد ڪئي وڃي، پٽ جو پتو لڳائي پريشاني ختم ڪئي وڃي.
