نئين دهلي (انٽريسٽنگ نيوز) شادي جو ڪارڊ رڳو هڪ دعوت نامو ناهي هوندو پر اهو جوڙي جي ذوق ۽ انداز جي عڪاسي ڪندو آهي، جڏهن ته انهن جي خاص ڏينهن جي هڪ جهلڪ پيش ڪندو آهي، تازو ئي وسيع ۽ ذاتي نوعيت جي شادي جي مختلف ڊزائن وارن دعوت نامن جي ڪارڊز شادي جي صنعت ۾ مقبوليت حاصل ڪئي آهي، تازو ئي هڪ جوڙي هڪ منفرد آئي فون ٿيم تي ٻڌل شادي جو دعوتي ڪارڊ متعارف ڪرايو آهي، رشبه ڪارڊز پنهنجي انسٽاگرام پيج تي ان دعوتي ڪارڊ جي هڪ وڊيو شيئر ڪئي، جيڪا تيزي سان وائرل ٿي رهي آهي، وڊيو ۾ شادي جي دعوت نامي جي نمائش ڪئي وئي آهي، جنهن کي آئي فون جي طرز تي ڊزائن ڪيو ويو آهي، ان ۾ هڪ ڪتابچي وانگر ترتيب آهي، جنهن ۾ ٽي صفحا لڳل آهن، آئي فون ڪارڊ جو ڪور جوڙي جي تصوير کي “بيڪ گرائونڊ” طور تي ڏيکاري ٿو، جيڪو فن جي وال پيپر وانگر آهي، ڪارڊ ٽن تهن ۾ کلي ٿو جيڪو هڪ ميسجنگ ايپ جي ڊزائن سان ملي ٿو، ان ۾ شادي جي هنڌ جو پتو لڳائڻ لاءِ گوگل ميپس تائين رسائي لاءِ هڪ ڪيو آر ڪوڊ شامل آهي ۽ ان ۾ هندن جي ڀگوان جي تصوير به شامل آهي.
