نوابشاهه/حيدرآباد(بيورورپورٽ) سنڌ جونيئر پريميئر ليگ لاءِ ٽرائلز جي ٻئي ڏينهن تي اڄ نوابشاهه ۾ ڪيمپ لڳندي جنهن ۾ شهيد بينظيرآباد ڊويزن جا رانديگر حصو وٺندا. سنڌ ۽ نان سنڌ ڪيٽيگري جا ٽرائل ٿيندا. ٽرائل بلاول ڀٽو زراسپورٽس ڪمپليڪس شهيد بينظيرآباد ۾ ٿيندا جنهن لاءِ رانديگرن کي صبح جو 9 وڳي تائين پهچڻ جي هدايت ڪئي وئي آهي. کين قومي شناختي ڪارڊ، ب فارم يا ڊوميسائل آڻڻ جي هدايت ڪئي وئي آهي. حيدرآباد ڊويزن جي رانديگرن جا ٽرائل 13 نومبر تي ٿيندا جنهن لاءِ گورنمينٽ بوائز ڊگري ڪاليج گرائونڊ لطيف آباد يونٽ نمبر 11 جي چونڊ ڪئي وئي آهي.
