لاهور(اسپورٽس نيوز)پاڪستان هاڪي فيڊريشن (پي ايڇ ايف) جونيئر هاڪي ايشيا ڪپ لاءِ پاڪستاني ٽيم جو اعلان ڪري ڇڏيو آهي.پي ايڇ ايف جي سليڪشن ڪميٽي ايونٽ لاءِ 18 رڪني اسڪواڊ جو اعلان ڪري ڇڏيو آهي، جنهن ۾ حنان شاهد کي ڪپتان ۽ سفيان کي نائب ڪپتان بڻايو ويو آهي.جونيئر هاڪي ايشيا ڪپ لاءِ پاڪستاني اسڪواڊ ۾ گول ڪيپر علي رضا، فيضان جنجوعه، سفيان خان، عقيل احمد، بلال اسلم، نديم خان، محمد زين، وسيم، سميع، ذڪريا حيات، محمد عماد، مغيره، رانا وليد، حمزه فياض شامل آهن. بشارت، قيوم ڊوگر ۽ سيف الله شامل آهن.جونيئر هاڪي ايشيا ڪپ 26 نومبر کان عمان جي شهر مسقط ۾ شروع ٿيندو، نئين سليڪشن ڪميٽي جي نگراني ۾ ون ڊي ٽرائلز شروع ٿيندا.دانش ڪليم، ڪاشف جواد ۽ محمد خالد تي مشتمل سليڪشن ڪميٽي ٽيم جو اعلان ڪندي چيو ته جونيئر ايشيا ڪپ مان ٽاپ 6 ٽيمون جونيئر ورلڊ ڪپ ۾ کيڏنديون.
