ڪراچي(اسٽاف رپورٽر) جهنگلي جيوت کاتي پاران ڊپٽي ڪنزرويٽرز جون مقرريون ۽ بدليون، لاڙڪاڻي ۽ حيدرآباد جي ڊپٽي ڪنزرويٽرز تي نوازش، ميرپورخاص ۽ سکر جون اضافي چارجون حوالي ڪيون ويون آهن، ان حوالي سان ڪالهه جھنگلي جيوت کاتي جي اختيارين پاران 18هين گريڊ جي ڊپٽي ڪنزرويٽرن جون وڏي پئماني تي بدليون ۽ مقرريون ڪيون ويون آهن، لاڙڪاڻي جي ڊپٽي ڪنزرويٽر عدنان حامد کي ڊپٽي ڪنزرويٽر سکر جي اضافي چارج حوالي ڪئي وئي آهي، جڏهن ته حيدرآباد ۾ مقرر ڪيل ڊپٽي ڪنزرويٽر دارا منير قاضي کي ميرپورخاص ڊويزن ۾ ڊپٽي ڪنزرويٽر جي اضافي چارج ڏني وئي آهي. ڪراچي جي ڊپٽي ڪنزرويٽر ممتاز مهر کي بدلي ڪري کيس شهيد بينظيرآباد ۾ مقرر ڪيو ويو، جتان واجد شيخ کي بدلي ڪري ڪراچي ۾ مقرر ڪيو ويو آهي. سکر جي ڊپٽي ڪنزرويٽر اعجاز احمد اعجاز ٽالپر کي بدلي ڪري کيس ڪراچي ۾ ڊپٽي ڪنزرويٽر ميرائين مقرر ڪيو ويو آهي. سيڪريٽري وائلڊ لائيف جي منظوري کانپوءِ لاڳاپيل اختيارين پاران بدلين ۽ مقررين جا نوٽيفڪيشن جاري ڪيو ويو آهي.
