نئين دهلي (شوبز نيوز) 30 ورهين کان وڌيڪ عرصي تائين ڀارتي انڊسٽري ۾ مقبوليت جي معاملي ۾ اڳتي رهندڙ ڪنگ شاهه رخ خان ۽ دبنگ اسٽار سلمان خان کي هڪ تيلگو اداڪار پوئتي ڇڏي ڏنو. اورميڪس طرفان اورميڪس اسٽارز انڊيا لوز: سڀ کان مقبول مرد ادڪار (آڪٽوبر) جي فهرست جاري ڪئي وئي، جنهن جا نتيجا ڪافي دلچسپ آهن. رومانوي فلمن سان مشهور شاهه رخ خان ۽ دبنگ اسٽائل رکندڙ سلمان خان سميت ناليوارو اداڪار الو ارجن به هڪ تيلگو اسٽار کان پوئتي آهي. تازو پنهنجي فلم “ڪالڪي 2898” ذريعي ڪاميابي ماڻيندڙ اداڪار پرڀاس کي سڀ کان وڌيڪ پسند ڪيو ويو آهي ۽ فهرست ۾ هو پهرئين نمبر تي آهي. دلچسپ ڳالهه اها آهي ته ان فهرست ۾ ٻيو نمبر به تيلگو اسٽار جو آهي، اداڪار وجي سڀ کان وڌيڪ پسند ڪندڙ ۾ ٻئي نمبر تي آهي. بالي ووڊ ڪنگ شاهه رخ خان جو ان فهرست ۾ ٽيون، الو ارجن جو ڇهون، جڏهن ته سلمان خان جو ڏهون نمبر آهي.
