ممبئي (شوبز نيوز) خوبصورت ڀارتي اداڪارا پوجا هيگڊي تازو انڪشاف ڪيو آهي ته کيس تامل فلم لاءِ رد ڪيو ويو هو. ڀارتي ميڊيا رپورٽن موجب 34 سالن جي اداڪارا هڪ ڏهاڪي کان وڌيڪ عرصي کان شوبز انڊسٽري سان وابسته آهي ۽ سلمان خان، پرڀاس ۽ شاهد ڪپور جهڙن وڏن نالن سان ڪم ڪري چڪي آهي. اداڪارا سلمان خان سان ڪاسي ڪا ڀائي ڪاسي ڪي جان، پرڀاس سان راڌي شيام، شاهد ڪپور سان ديوا، اڪشي ڪمار سان هائوس 4 ۽ هريتڪ روشن سان موهن جو دڙو ۾ ڪم ڪيو آهي. ڀارتي ميڊيا رپورٽن موجب اهڙن وڏن ستارن سان گڏ ڪم ڪندڙ اداڪارا جيڪڏهن چوي ٿي ته هوءَ اڃا به آڊيشن ڏئي ٿي ته حيران ٿي ويندا. تازو ئي هڪ انٽرويو ۾ هن انڪشاف ڪيو ته هن هڪ تامل فلم لاءِ آڊيشن ڏنو، هنن مون کي رد ڪري ڇڏيو، هنن چيو ته مان ان ڪردار لاءِ ننڍي هئي، پوءِ هنن هڪ وڏي عمر جي اداڪاره جي چونڊ ڪئي. پوجا هيگڊا آڊيشن جي عمل جي حمايت ڪندي چيو ته ”اهڙيءَ طرح هڪ اداڪار پاڻ کي چيلينج ڪندو آهي، ڪنهن کي نه گھٻرائڻ گهرجي، مون کي تازو ئي هڪ آڊيشن ۾ رد ڪيو ويو هو. هن چيو ته مان اهڙي فلم کي ترجيح ڏيان ٿي جنهن لاءِ مون کي آڊيشن لاءِ سڏيو وڃي ته مان ان ڪردار لاءِ صحيح آهيان يا نه، اهو ئي عمل آهي جنهن ذريعي توهان ڪنهن کي ڪردار بابت قائل ڪري سگهو ٿا. اداڪارا وڌيڪ چيو ته ان عمل دوران پنهنجي انا کي اڳيان نه آڻيو، اهڙا ڪيترائي ماڻهو آهن، جن کي آڊيشن لاءِ به نه سڏيو ويو، ان کي موقعو سمجهي وٺو.
