لاهور(اسپورٽس نيوز) پاڪستاني فاسٽ بالر شاهين شاهه آفريدي بي بي ايل 15 ۾ آسٽريليا ۽ پاڪستان جي وڏن بيٽسمينن کي نشانو بڻائڻ جو عزم ظاهر ڪيو آهي. پوڊ ڪاسٽ تي ڳالهائيندي شاهين شاهه آفريدي چيو ته بابر اعظم، ڊيوڊ وارنر ۽ اسٽيو سمٿ جهڙا اسٽار منهنجي نشاني تي هوندا. اهي ٽي وڪيٽون منهنجي لاءِ اهم هونديون، مان ڪنهن به هڪ کي نه ٿو چونڊي سگهان، انهن سڀني جي وڪيٽ قيمتي هوندي. هن ليگ ۾ وڏي تعداد ۾ پاڪستاني رانديگرن جي شرڪت تي خوشي جو اظهار ڪيو ۽ چيو ته جڏهن اسان آمهون سامهون هوندا ته مداح ان مان لطف اندوز ٿيندا. شاهين وڌيڪ چيو ته جيڪڏهن مان اتي به پهرين اوور ۾ وڪيٽ حاصل ڪريان ته خوشي ٻيڻي ٿي ويندي، جيڪڏهن ميڙ “آفريدي آفريدي” جا نعرا هڻي ته توانائي وڌيڪ وڌي ويندي. هن چيو ته هو برسبين هيٽ سان ٻي ٽرافي کٽڻ جو خواهشمند آهي. فاسٽ بالر چيو ته پي ايس ايل ۾ ٽي ٽائيٽل کٽڻ کان پوءِ، هاڻي هو بي بي ايل ۾ پهرين سيزن ۾ ڪاميابي جا خواب ڏسي ٿو. ٽيم ۽ انتظاميا جو اعتماد رانديگر کي وڌائي ٿو.
