رياض (شوبز نيوز) ڀارتي اداڪاره ثنا خان شادي جي رشتي ۾ ٻڌجي وئي آهي، هن مدينه منور ۾ نڪاح ڪيو آهي، جنهن جون تصويرون سوشل ميڊيا تي وائرل ٿي رهيون آهن، ريئلٽي شو بگ باس او ٽي ٽي 3 جي مشهور ڪنٽيسٽنٽ اداڪاره ثنا خان پنهنجي ويجهي دوست واجد خان سان نڪاح ڪيو آهي، جڏهن ته نڪاح مدينه منوره ۾ نهايت سادگي سان ڪيو ويو آهي، جنهن ۾ ڪجهه ويجها مائٽ شريڪ ٿيا، اداڪاره جي ان نڪاح سڀني جو ڌيان ڇڪائي ورتو آهي، ثنا سلطان خان پنهنجي آفيشل انسٽاگرام اڪائونٽ تي نڪاح جون تصويرون ۽ وڊيو اپلوڊ ڪئي آهي ۽ ڪيپشن ۾ پنهنجي جذبن جو اظهار ڪيو آهي، اداڪاره لکيو ته اها تمام گهڻي خوش آهي ته سندس نڪاح بلڪل ايئن ئي ٿيو آهي، جيئن سندس خواب هيو، مديني جهڙي بابرڪت جڳهه تي ۽ هڪ اهڙي ماڻهو سان جيڪو سندس خاص دوست ۽ بهترين انسان آهي، ثنا پنهنجي مڙس واجد کي پنهنجي لاءِ وٽامن “ڊبليو” قرار ڏنو، اداڪاره وڌيڪ لکيو ته نڪاح محبت جي سڀ کان خالص شڪل آهي، هوءَ بي حد فخر محسوس ڪري رهي آهي ته انهن پنهنجي محبت کي حلال نڪاح ۾ تبديل ڪري ورتو، ثنا وڌيڪ لکيو ته دوست کان زندگي جي ساٿي بڻجڻ جو اسان جو سفر محبت، صبر ۽ ايمان جو ثبوت آهي. ثنا جي ان خوبصورت ڏينهن جون تصويرون ۽ وڊيو سوشل ميڊيا تي وائرل ٿي رهيون آهن، سندس مداح ۽ ساٿي فنڪارن طرفان کيس مبارڪون ۽ نيڪ خواهشن جو اظهار ڪيو پيو وڃي.
