بڪيراشريف (ن پ ا) بڪيراشريف ويجهو ڳوٺ جئرام جوڳي ۾ قائم جھوپڙي نما اسڪول ۾ ڏياري ڏڻ جي شاندار تقريب ڪوٺائي وئي. ڏياري ڏڻ جو پرگرام جڳ مشهور ۽ لطيف ايوارڊ يافته جئرام جوڳي، پارس مهراڻي، محسن مهراڻي پاران پروقار تقريب ڪوٺائي وئي، تقريب ۾ علائقي واسين جوڳي ڪميونٽي ۽ مهمانن خاص طور ڊي سي ٽنڊوالهيار اي سي ٽنڊوالهيار شرڪت ڪئي. تقريب جي شروعات ۾ ڊپٽي ڪمشنر پاران ڏيا ٻاري افتتاح ڪيو جنهن بعد پروگرام جو آغاز ڪيو ويو انهي موقعي سليم الله اوڍو پاران جوڳي قبيلي جي ٻارڙن ۾ آئيسڪريم ورهائي اسڪولي ٻارن پاران ٽيبلو پيش ڪيا ۽ جڳ مشهور لطيف ايوارڊ سميت ٻين ڪيترن ئي ايوارڊن سان نوازيل مرلي جئيرام جوڳي کي شاندار پروگرام منقد ڪرڻ تي جس پيش ڪئي، انهي موقعي تي ڊپٽي ڪمشنر سليم الله اوڍو پاران ميڊيا سان ڳالهائيندي چيو ته اڄ ڳوٺ جئرام جوڳي اچي تمام گهڻي خوشي ٿي آهي ۽ انشاء الله هن ڳوٺ جي اسڪول لاءِ جلد کان جلد سيميز ڪوڊ جاري ڪرائڻ ۽ اسڪول ۾ استادن جي مقرري پڻ ڪرائي ويندي ان کان علاوه هن ڳوٺ جي ترقياتي ڪمن لاءِ اسڪيمون فراهم ڪري ڳوٺ کي بهتر سهولتون ڏنيون وينديون. تقريب جي آخر ۾ لطيف ايوارڊ يافته جئرام جوڳي پاران مرلي ذريعي ساز وڄائي نانگ کي جهومايو، جڏهن ته آيل مهمانن توڙي ڊي سي ٽنڊوالهيار سليم ﷲ اوڍو پاران بهترين ٽيبلو پيش ڪرڻ تي نقد ڪيش رقم جا انعام پڻ ڏنا.
