ڪراچي: بلديه فيڪٽري سانحي ڪيس ۾ جوابدارن رحمان ڀولا ۽ زبير چريا جون موت جي سزا خلاف اپيلون رد، سنڌ هاءِ ڪورٽ ايم ڪيو ايم جي اڳواڻ رئوف صديقي سميت 4 جوابدارن کي آجو قرار ڏيڻ خلاف سنڌ سرڪار جي اپيل رد ڪري ڇڏي
4 جوابدارن شاهه رخ، فضل، ارشد محمود ۽ علي محمد جي عمر قيد واري سزا ڪالعدم قرار ڏني وئي آهي، جسٽس ڪريم خان آغا جي سربراهيءَ ۾ 2 رڪني بينچ محفوظ ڪيل فيصلو ٻڌائي ڇڏيو آهي
سنڌ هاءِ ڪورٽ 29 آگسٽ تي ڌرين جا دليل ٻڌڻ بعد فيصلو محفوظ ڪيو هو، 11 سيپٽمبر 2012 تي بلديه ٽائون فيڪٽري ۾ باهه لڳائڻ واري واقعي ۾ 259 پورهيت سڙي فوت ٿي ويا هئا
22 سيپٽمبر 2020 تي دهشتگردي ٽوڙ عدالت ايم ڪيو ايم جي سيڪٽر انچارج رحمان ڀولا ۽ زبير چريا کي موت جي سزا ٻڌائي هئي، عدالت متحده اڳواڻ رئوف صديقي سميت 4 جوابدارن کي ثبوت نه ملڻ تي آجو قرار ڏنو هو
متحده اڳواڻ رئوف صديقي چيو آهي ته عدالتي فيصلي موجب اسان بي گناهه آهيون، ڪيس ۾ نامزد ڪيل جوابدار فضل جيل ۾ فوت ٿي ويو، اڄ عدالت کيس ڪيس مان آجو قرار ڏنو آهي
