ڪنڊيارو (ن پ ا) ڪنڊيارو تعلقي جي 15 کان وڌيڪ مڱريا برادري جي ڳوٺن مان برسات جو پاڻي نيڪال نه ٿيڻ خلاف احتجاج ڪندي شھر جي مک چوڪ تي ڌرڻو هنيو ويو ڪنڊيارو تعلقه جي مختلف يونين ڪائونسلن ۾ آباد مڱريا برادري جي مختلف ڳوٺن سانول مڱريو ، قابل مڱريو ، ليٽڻ مڱريو ، محراب مڱريو ، گل مڱريو ، ساجن مڱريو ، راڄ محمد مڱريو ، سيفل مڱريو ، ٻڌل مڱريو ، مرزائي مڱريا ، ڊگري وارا مڱريا ۽ مڱريا برادري سان تعلق رکندڙ ٻين ڳوٺن جي رهواسين پاران پنهنجن ڳوٺن کان پيادل مارچ ڪري ڪنڊيارو شھر جي مک اسٽار چوڪ پهتا جتي سخت نعري بازي ڪندي ڌرڻو هڻي ويهي رهيا ان موقعي تي مختلف ڳوٺن کان آيل اڳواڻن محمد نواز مڱريو ، خادم حسين مڱريو ، مسعود احمد مڱريو ۽ شاهد حسين مڱريو ۽ ٻين چيو ته سندن ڳوٺن مان برسات جو پاڻي نيڪال نه پيو ڪيو وڃي جنهن سندن زندگي مفلوج ٿي چڪي آھي، جنهن سبب مجبور ٿي احتجاج ڪري رهيا آھيون، مظاهرين 24 ڪلاڪن ۾ ڳوٺن مان پاڻي نيڪال نه ٿيڻ جي صورت ۾ قومي شاهراهه بند ڪرڻ جو چتاءُ ڏنو.
