بدين (رپورٽر) لاڙ سجاگ تحريڪ بدين جي اڳواڻن زين شاهه، نثار پنھور، لکاڏنو چانڊيو، محفوظ شاهه، عمران کوسو، امداد چانڊيو، برڪت چانڊيو، ذاڪر چانڊيو، آڪاش خاصخيلي، سميع انصاري ۽ شاھد مرزا جي اڳواڻي ۾ سيراڻي روڊ بدين جي وارڊ نمبر 6۽ وارڊ نمبر7 ۾ ميونسپل ڪاميٽي جي عملي پاران صفائي نه ڪرڻ پيئڻ جو پاڻي نه ڏيڻ ۽ ٻين مسئلن جي خلاف سيراڻي روڊ کان وڏي نعري بازي ڪندي پيادل احتجاجي ريلي ڪڍي ميونسيپل ڪاميٽي آفيس اڳيان ڌرڻو ھنيو ويو. انھيءَ موقعي تي ميونسپل ڪاميٽي جي فوڪل پرسن گڊو اڍيجو، واٽر سپلائي انچارج مقبول راڄو،جاني جوڻيجو ڌرڻي ۾ پھچي مطالبا مڃيندي چيو ته اسان ٻن ڏينهن جي اندر پاڻي نيڪال ڪري صفائي جو مسئلو حل ڪري ڏينداسين، اهڙي خاطري بعد ڌرڻو ختم ڪيو ويو.
